Tuesday, December 25, 2007

الأخوات المسلمات ....مشاركة المرأة كما يجب أن تكون



السلام عليكم ورحمة الله وبركاته


أصل هذا البوست هو توضيح بعض اللبس -التوضيح من وجهة نظري- على فصول وكتابات نشرت متتابعة حول رأي وحال الإسلاميين في عدد من قضايا المرأة يمكن أن نقول : أن المحور الجامع بينها هو قضية دور المرأة في العمل السياسي والاجتماعي والثقافي واضطلاعها بدور رائد تستحقه المرأة المسلمة بما أبدت من خبرة واقتدار على كل صعيد

والإسلام دين يقر الاجتهاد ويجعله واجبا على من تأهل له , ويثيب المخطئ فيه فيمنحه أجرا لاجتهاده ويضاعف مثوبة المصيب
وحين يجتهد الناس فلا بد أن يختلفوا , والدين الذي يجعل الاجتهاد واجبا على القادرين عليه , يلزم أتباعه باحتمال الآراء المخالفة لرأيهم وتقبل وجهات النظر المباينة لوجهات نظرهم , فمن ضاق بالخلاف في الرأي ذرعا , ولم يسع صدره الشعور بحق غيره في الوجود , كان مخالفا لهدي الإسلام نفسه
وليس كل اختلاف أو خلاف بين رأيين مخالفة لحكم من أحكام الدين أو غلطا فيه , فكثير من الأمور تحتمل تباين الآراء , ولكل وجهة , والخيرات كثيرة يحقق بعضها كل رأي , ويفوز بقصب السبق فيها من يحققها جميعا أو يحقق أكثرها
القرآن الكيم يقول "والمؤمنون والمؤمنات بعضهم أولياء بعض يأمرون بالمعروف وينهون عن المنكر ويقيمون الصلاة ويؤتون الزكاة ويطيعون الله ورسوله أولئك سيرحمهم الله إن الله عزيز حكيم "


فالأمر بالمعروف والنهي عن المنكر هو فرض الكفاية الجامع للواجبات السياسية والاجتماعية كافة , وإيجاب الله تعالى إياه على الرجال والنساء بصريح هذا النص القرآني قاطع في المساواة بينهما في وجوبه وثوابه
وفي صحيح مسلم عن أنس رضي الله عنه أن أم سليم اتخذت يوم حنين خنجرا فكان معها , فرآها أبو طلحة فقال يا رسول الله هذه أم سليم اتخذت خنجرا فقال رسول الله صلى الله عليه وسلم : ما هذا الخنجر ؟ قالت اتخذته إن دنا مني أحد من المشركين بقرت بطنه فجعل رسول الله يضحك وأثنى عليها

وذكر المقريزي في إمتاع الأسماع قتال الصحابيات بيوم حنين فقال : وكانت أم عمارة معها سيف صارم وأم سليم معها خنجر سليط وأم عمارة تصيح بالأنصار :أي عادة هذه !مالكم والفرار
هذا حال المسلمات النماذج اللواتي ضربن أروع وأبلغ أمثلة الرجولة
ويمضي الزمن
ويأتي زمان غير الزمان
وتضرب الأخوات المسلمات نماذج للبطولة والفداء فتشرق زينب الغزالي وأمينة قطب وغيرهن من ألوف الأخوات
اللواتي بزغت شمس ثباتهن لتعلم الرجال كيف تكون الرجولة وليشب الأطفال راضعين هذا اللبن
وتستمر المسيرة
وتظل الأخوات المسلمات في جماعة الإخوان المسلمين وغيرها من التيارات الإسلامية
فظهرت زوجة الدكتور عبدالله عزام
وزوجة المجاهد عبدرب الرسول سياف
ويأتي اليوم الذي تضرب فيه الأخوات من زوجات وبنات الإخوان المعتقلين ايضربن مثالا للإضطلاع بدور الأب والأم باقتدار فينشئن شبابا واعدا يحمل الهم ويشب عن الطوق
وما لانت لأخواتنا يوما قناة
وما المشاركة الفاعلة للأخوات ودورهن في انتخابات التشريعية المصرية والفلسطينية عنا ببعيد
وتأتي أم نضال ليقدم قسم الأخوات نموذجا آخر لصناعة الرجال وهي هي المرأة التي شاركت وفازت في الانتخابات

التشريعية

ولا أشك أو أشكك أن هناك قصورا في المتابعة والأداء -من وجهة نظري- ولكن أتذكر كلمات الإمام الشهيد حسن البنا : الوقت جزء من العلاج

عندي قول كثير في هذا المجال ولكن دعونا نبدأ بshunk up

فنقول : الفاهمون من الإخوان على وجه الخصوص ومن الاسلاميين بشكل عام يرون المرأة انسانا كامل الانسانية , موفور الكرامة , مكلفا بإتيان المأمورات وترك المنهيات كتكليف الرجل سواءا بسواء , ولا يعتبرون المرأة أبدا خصما للرجل ولا منازعا له ولا يرون في خروجها للحياة العامة ومساهمتها في إثرائها وتطويرها منافسة غير مشروعة للرجل أو وجودا غير محتمل لكائن غريب

ولهذا فأنا من وجهة نظري أرجع المرأة الى نفسها تتطور وتنطلق وتغير من محيطها في المجتمع لا يمنعها مانع

ولا يحتج عليها في غير ذلك الا مجحف أو قاس
ولازالت كلمات الأستاذ المرشد محمد مهدي عاكف ترن في أذني عندما قال :إن الله رزق هذه الدعوة بأخوات لا يخشى على الدعوة في وجودهن

وأذكر موقفا لزوجة أحد الإخوان بمحافظة الشرقية هذا الأخ كان مرشحا لانتخابات ما واعتقل ليتنازل عن ترشحه وقالت له زوجته قبل رحيله مع رجال الامن إما ثباتك وإما تفارقني


ولا أعزو ضعف تواجدها إلى راع أو الى إدارة

وإنما أعزوه اليها

فيا شقائق الرجال




ألا فاعلموا أن النساء في هذه الدعوة المباركة دورهن مع الرجال ... سواءا بسواء
إلا أنهن يتميزن عن الرجال ويزدن بجهدهن بدورهن في بيوتهن
وأرى بكامل عقلي أن الرجال في الدعوات المباركة بحاجة الى جهد جهيد للحاق بأخواتهم
اللاتي نطق حالهن على مدى عقدين من عمر الدعوة -عاصرتهما بنفسي- حققن التارجت بكل نجاح
تحية لنساء وأخات هذه الدعوة المباركة اللئي ما فتئن ينطلقن ويغيرن ويرفعن من قدر الدعاة والدعوة
ولست أرى حرجا في أن تتبوأ المرأة كل ما تتمنى
وأحيلكم أيضا الى الكتب التالية (إحنا كمان بنقرأ برضه ) لتراجعوا رؤيتي القاصرة :

تحرير المرأة في عصر الرسالة

للعلامة عبدالحليم محمد أبوشقة

الإسلاميون والمرأة

الدكتور سليم العوا

.........................

اللي عاوز الكتب (موجودة)...أي خدمة

26 comments:

أخت مسلمة said...

أولا حمدا لله علي سلامة العودة

ثانيا

الكلام صح جدا و جميل جدا

و اتفق مع حضرتك تمام الاتفاق

لم تكن مهمة قسم الاخوات أبدا بالهينة

لكن المشكلة في شيئين

--

الأول

ان بعض الاخوات بينسوا مسؤليتاهم

ومابيكونوش فاهمين انه فعلا العمل المطلوب منهن مؤثر فعلا و ذو أهمية

ممكن تكون حاجة بسيطة بس أكيد لو مااتعملتش هتأثر علينا جامد

فساعات بننسي بعض التفاصيل الدقيقة و بنتهاون في بعض الاشياء اللي بنراها او تراها بعض الاخوات قليلة أو حتي ضئيلة مع انها مهمة جدا

---

الشئ التاني

انه في غمار الكلام الجميل ده عن دور الاخوات

بعض الاخوات مش كتير منهم طبعا

بينسوا انه مهما عملها كان كبير فيه ضوابط بتحكمه

و في نفس الوقت ممكن يكون فيه قيود كتير جدا مفروضة عليه

طبعا مابقولش ان القيود من الجماعة

ولكن قيود الظروف الأمنية و قيود المجتمع

فاوقات بنري بعض المخالفات

----------------------

طبعا كلامي ما أقصدش انه يسبب احباط للناس ولا أي حاجة

قسم الاخوات ما شاء الله قسم فعال

و ممكن تكون الكلية مثلا نموذج مصغر منه

و الحمد لله الشغل فيها تمام

بس الواقع بيقول انه مع الشغل ده

لازم يشوب العمل بعض التقصير و بعض التضييقات المفروضة علينا

ولكن الحمد لله ماشي الحال

-----------

جزاكم الله خيرا علي البوست الرائع

و الأسلوب فوق الممتاز

و سعيدة جدا اني اكتب اول تعليق علي الموضوع الجميل ده

جزيتم الفردوس الاعلي

لا للسكوت said...

جزاك الله خيرا اخى الكريم على البوست الاكثر من رائع وفعلا العزة فى الاسلام فلولاه لما اصبحت المراة كريمة ومصونة والاسلام اعطاها كل الحرية وتقلدت دوما ارفع المناصب فهن صانعات للرجال (طبعا الاباء ليهم دور كبير ولا يخفى على احد بس اغلبهم مسافر برة او مسافر جوة)والناس اللى تيجى وتقول دول بيهمشوا دور المراة تقرا وتبص كويس قوى قبل ما تتكلم من زاوية واحدة .. الموضوع كله ترتيب اولويات يعنى ليها دور دعوى فى تربية ابنائها ويترافق معه دورها فى المجتمع فلاتغلب جانب على الاخرونقيس عليها كل الحاجات التانية..ودمتم بخير

العسكري عتريس said...

كلاااام تمااااام ومن الآآخر

وما فيش كلام ينفع يتقال بعده

د/عبد الخالق زهران said...

الاخ الفاضل اسمة مرسى
حقيقى بوست رائع بالرغم ان خضت فى حقل الغام
او كا يريد بعض من المتربصين من غير الاخوان او المندفعين من الاخوان والاخوات
جزاكم الله خيرا على هذا المجهود ونفع به

سميرة يوسف said...

السلام عليكم كلكو
والله يا عمو أسامة انت مسكت الموضوع ده وشرحته تمام
بس احنا عاوزين شوية تفاصيل
اسمحلي أقولك يا عمو
انت أكبر مني بكتير
سنا وعقلا وكل حاجة
والنبي تشرح الموضوع ده أكتر
ومتشكرين خالص

صريح أوي said...

ياااااااه .. احم
انت عاوز تقول ايه يعني ؟
انا مش فاهم حاجة
يعني الاخوات دول حاجة حلوة ولا وحشة..
.. يا انا يا انت بقي

البيدق الفائز said...

اعملي فيها فيلسوف بقى
ياعم انت مالك بالمرأة
لم تعابينك
انت كل حاجة كده بتفهم فيها
ارحمني شوية
أنا بقى عاوز الكتب اللي انت بتقول عليها دي
وريني الرجولة بقة
سلام يا برنس

Anonymous said...

انت جاهل
جااااااااااااااااهل
وعامل نفسك علامة
والعيال اللي حواليك
هما اللي عاملين لأمثالك ريحة
التدوين بقى موضة لكل من هب ودب
اللي بيفهم واللي زي جنابك
خليك جريء وماتغازلش حد عشان شغل الوصوليين ده مكشوف أوي

DR.HAMAS said...

لم أكن لأعلق

و لكن استثارنى التعليق اللى قبلى

و أسأل الله أن يهدى الناس

و أتمنى ألا تتكرر البذاءات

و أرى أنه أفضل من إلقاء التهم و الكلمات القبيحة
أن نحاور و نظهر آراءنا

يسر الله لك أمرك أخى أسامة

و لا تبالى بالتفاهات و التافهين

د.حماس

mohammed alsha3r said...

السلام عليكم

ازيك ياعموووو

اسامه

كل سنه وانت طيب

بص ياعم اسامه اللى عاوز يشوف الدور الفعال للأخوات

يبص

بس

شوف

يبص بس

على انتخابات الاخوان

ويشوف دور المرأه

ولا يشوف المرأه فى مدينه نصر لما نزلت الانتخابات

الحمد لله الاخوااااااااااات

نعمه فى الاخوان ربنا يديمها

بس بجد احييك على اسلوبك

الجميل

وردك على كل الناس اللى ما دخلت جوا الاخوان

وشافت التعامل من أصغر فرد سواء أخت او أخ فى الاخوان

وتسلم مرة تانيه

أخوك الشاعر

حنين ... said...

علي الرغم من اني لست من الاخوان واري ان مقالك شمل المرأه فالاسلام بوجه عام
احييك جدا علي هذه المقاله الاكثر من رائعه وان كنت اشدد علي ان عمل المرأه ومشاركتها في جميع مجالات الحياه مرهون بضوابط يجب ان تتحلي بها المرأه وان لايؤثر ذلك علي رعايتها لمملكتها واهتمامها بتنشئه جيل النصر باذن الله
اخي بوركت وبورك قلمك

أسامة مرسي said...

الأخت المسلمة
الله يسلم حضرتك
موضوع إن بعض الأخوات ينسوا مسؤلياتهم
فدي مشكلات فردية
أنا باتكلم عن التوجهات
دي واحدة
التانية طبعا أتفق معكي في ان هناك ضوابط لعمل الأخوات مهما كان كبير
بس أحب أضيف أن هناك ضوابط أيضا كثيرة لعمل الإخوة كمان
مافيش أي إحباط ولا حاجة
وجزانا وإياكم
والموضوع وصاحبه لهما كل الشرف أن حضرتك تكوني أول من يعلق على هذا الموضوع المتواضع
والسلام عليكم
.....................
الأخت خديجة صاحبة مدونة لا للسكوت
أولا جزانا وإياكم
ثانيا أتفق معك جدا أن الموضوع مرجعه الى ترتيب الأولويات
جزاك الله خيرا على المرور الكريم
والمشاركة الفعالة
ودمتي بخير
.....................
العسكري عتريس
تسلم
صبح صبح ياعم الحاج
.....................
د.عبدالخالق زهران
نورتني جدا
جزاك الله خيرا
وأنا شايف انه ولا حقل ألغام ولا حاجة
ده موضوع يشرف أي حد أنه يكتب عنه
جزيت خيرا
....................
سميرة يوسف
أهلا أهلا
والله أنا اجتهدت أني أغطي الموضوع على قد ما أقدر
أما عن موضوع عمو أسامة دي
فقولي اللي يعجبك
أنا أنفع عمو برضه
وتحت أمرك
وجزاكم الله خيرا
ولو أني شايف أن عمو دي واسعة شوية
أشكرك
.....................
صريح أوي
أهلا
بقى انت مافهمتش أنا أقصد أنهم حاجة وحشة ولا حلوة
لو مافهمتش يبقى مش مهم
ولو فهمت بس بتشتغل أخوك حبيبك يبقى برضه مش مهم
ههههههههههههههههههههههه
ويانا يانت
مش العكس
....................
البيدق الفائز
نورت
لو عاوز الكتب
ممكن تعدي عليا في المكتب
7ش صبور ميدان المنتزه بالزقازيق
الكتب في انتظارك
....................
Anonymous
أشكرك
يا مؤدب
....................
د.حماس
يسر أمري وأمرك
ولا تقلق فأنا لا ألتفت
....................
محمد باشا الشاعر
أهلا أهلا
حبيب عمو
ههههههههههههههه
نورت ياباشا
وأنا معك في رأيك
ووالله سعيد جدا بزيارتك يا بطل
جزيت الجنة
...................
الأخت الفاضلة حنين
زيارتك وتعليقك وتحيتك
على راسي من فوق
وأتفق معك على أن مشاركة المرأة يجب ألا تنسيها مملكتها الخاصة بحال من الأحوال

جندى الدعوة said...

موضوع مهم
وتحليل دقيق

جزاك الله خير اخى الكريم

عاوز تعرف أصعب 12 دقيقة فى حياتك كلها

شوف التدوينة الجديدة عندى وانت تعرف

متنساش تقولى أيه اصعب دقيقة فى حياتك

http://fenelwattan.maktoobblog.com/

مستنيك

قلمي said...

جزاك الله خيرا موضوع مهم وطرح جميل ,واجمل مافي اسلوبك هو ابتعادك عن نقاط الخلاف ..بمعني انك اخذت الموضوع بشكل عام واتكلمت فيه كلام ((حلو)) ..لكنك لم تسلط الضوء علي نقاط بعينها

بصراحه يعتبر هذا البعد ذكاء وتجنب للوقوع في جدالات ليس لها طائل كما انك والمجادل لستما باي حال من الاحوال علي درجه علم تخولكما الدخول في مثل هذا
النقاش

موضوع حلو بس عنوانه كبير حبتين

Anonymous said...

هاتعيش ويعيش اللي زيك يهرب
الهروب حجة الضعفاء
نفسي واحد زيك
يعيش سنه
ويعيش مرحلته
ثم مين طلب منك تدافع عن الأخوات
ولا دي كمان هاتفرضوا وصايتكم عليها
مانتا أبوك قعد مع الأخوات
عمل ايه
خنقهم وفرض عليهم رأيه
راجع كلام أسماء العريان وشذى مولوتوف
عن أبوك ولقاءه
ولا هو اللي ملاك تكتب اللي انت كاتبه
ماهو ماتقنعنيش أن واحد في سنك ممكن يكتب الكلام الموزون ده
عشان انت مين
تحياتي لأبوك اللي هو من رأيي صاحب الموضوع الأصلي
بس ياريت تقوله
الكلام ده مابخيلش على حد

DR.HAMAS said...

مش عارف ليه لما بدخل صدفة كدة

صدفة هاه

ألاقى ناس بتقول كلام عجيب و الله

و مشكلتى بقة-مش عارف هى ميزة و لاعيب- أكيد ميزة

إنى معرفش أشوف كلام مليان غباء و أسكت
رغم انى مش صاحب المدونة و لا ليا دعوة بالموضوع

يا سيد- ملوش اسم -انت

أنا مضطر أكلمك بأسلوب مهذب
أصل أعمل ايه الإخوان الإرهابيين ربونى على كدة .... ربنا يهديهم بقة

هو عشان سعادتك عقلك على قدك

يبقى متصدقش ان واحد فى سن الأستاذ أسامة
و أستاذ غصب عن التخين و الرفيع و النص نص

يبقى متصدقش ان واحد فى سنه يقول كلام موزون ؟؟

المفروض تقول لنفسك انك انت اللى على قد حالك و لا ترقى لمستواه العقلى و الفكرى

مش هو اللى بيقول كلام أكبر منه

و بعدين سعادتك - شوف الإحترام يا اخواننا- للأسف مبعرفش أغير أسلوبى حتى مع اللى ميستاهلش

بس برضه ربنا يهدى الإخوان اللى كانوا السبب

سعادتك بتقول حجة الضعيف
بذمة سعادتك اللى أكيد مش أستك قوى
اللى يكتب و يشتم و يجرى و بدون ميشرفنا باسمه و هويته

و يجرى و يهرب و لا يناقش
و أضعف من انه يعرفنا حاجة ليه نعرف نقول ردنا باحترام عليه

يبقى ده ايييييييه ؟؟

غريبة قوى ان حد يوصف غيره بوصف هو بيتصف بيه

ايه رأيك فى حكاية وصف و يوصف و بيتصف ؟؟

تجنن مش كدة ؟؟؟

و بعدين انت قادر تفهم ان واحد زى الدكتور مرسى بعقليته اللى انت بنفسك بتشهد انها عقلية محترمة

بدليل انك بتنسب الكلام الموزون ليه مش لابنه

مش قادر حضرتك و سعادتك تستوعب انه مميكن يربى إبن بهذه العقلية ؟؟

و فى الآخر بتقول له تحياتى لأبوك

دى الكلمة الوحيدة اللى قلتها عدلة ف كلامك كله

و دى الوحيدة اللى بأكد عليها جدا جدا

و بقول تحياتى لهذا الرجل العظيم صاحب الفكر و العقل
و الشخصية الناجحة سياسيا و اجتماعيا و أسريا
و الذى ربى شبابا ناضجا قادرا على استيعاب ماضيه و مجاراة حاضره و التخطيط لمستقبله
دون أن يتخلى عن مبائه

عشان خاطرى قول لى

مين القوى و مين الضعيف


و أختم بقول الله:

فأما الزبد فيذهب جفاء .. و أما ما ينفع الناس فيمكث فى الأرض.. كذلك يضرب الله الأمثال


د.حمـــاس

جمعاوى روش طحن said...

الأخ الكريم أسامة

الموضوع كتيير مهم


بأحجز مكان بس

و

دعواتك علشان الإنطحانات

أقصد الإمتحانات

بنت مصر said...

جزاكم الله خيرا علي البوست اللي فوق الرائع

فعلا الاخوات لهم دور فعال جدا
مهما كانت بساطة الدور اللي هي بتؤديه
مجرد تمثيلها للاخت المسلمه فقط ده مسؤليه كبيرة جدا

انا مش معاهم said...

ازيك يامعالي الباشا
انا انا اول مره الصراحه ادخل مدونتك بس الصراحه جميله جدا
المهم كل سنه وانت طيب علي فكره انا شرقاوي
تحياتي
سيف الاسلام

خبيب said...

ربنا يخليك يا حبيبي وتحرق دم اللي مش عاجبه !

أسلوبك فعلا وهمي

أنا "استمتعت" بقراءة المقال

راحــله said...

من اجمــل ما قرات فى حق المرأه واسعدنى جدا ان الكلام ده من شاب فى سنك
جزيت الجنه...

hanylany said...

السلام عليكم
جزاك الله ألف خير على جهدك ومقالاتك ومدونتك الرائعة ..
أخي الكريم من فضلك كيف يمكنني الحصول على الكتاب الموسوعي الرائع : " تحرير المرأة في عصر الرسالة" ؟ وهل يمكن أن تساعدني بذلك ولك كامل الشكر .
ايميلي الخاص هو h_olaby@yahoo.com

ولك مني كامل الشكر والمحبة والسلام عليكم

Anonymous said...

السلام عليكم
أخي الكريم من فضلك كيف يمكنني الحصول على الكتاب الموسوعي الرائع : " تحرير المرأة في عصر الرسالة" ؟ وهل يمكن أن تساعدني بذلك ولك كامل الشكر .
ايميلي الخاص هوs_alzek@yahoo.com

Unknown said...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالجبيل
شركة المثالية للتنظيف بالقطيف
شركة المثالية للتنظيف بالاحساء

شركة مكافحة حشرات بالجبيل
شركة تنظيف شقق بالجبيل
شركة رش مبيدات بالجبيل
شركة تنظيف خزانات بالجبيل
شركة نقل عفش بالجبيل
شركة تسليك مجاري بالجبيل

Unknown said...



شركة تنظيف منازل بالاحساء
شركة تنظيف بالاحساء
شركة تنظيف مجالس بالاحساء
شركة تنظيف فلل بالاحساء
شركة تنظيف شقق بالاحساء
شركة تنظيف خزانات بالاحساء
شركة تنظيف مسابح بالاحساء
شركة نقل عفش بالاحساء
شركة كشف تسربات المياه بالاحساء
شركة تسليك مجاري بالاحساء
شركة شفط بيارات بالاحساء

Unknown said...

شركة تنظيف منازل بالقطيف
شركة تنظيف بالقطيف

شركة تنظيف منازل بالخبر
شركة تنظيف بالخبر

شركة تنظيف بالجبيل
شركة تنظيف مسابح بالجبيل
شركة تنظيف مجالس بالجبيل
شركة كشف تسربات المياه بالجبيل
شركة شفط بيارات بالجبيل
شركة مكافحة فئران بالجبيل