Saturday, December 1, 2007

روز اليوسف صحيت يا رجالة (مسمار جحا وشرف الصحافة)2

سبحانك يا رب
روز اليوسف صحيت بعد طول سبات
المبيعات بقى يا رجالة بتحكم
الجماعة عاوزين يبيعوا
ايشمعنى الدستور والمصري اليوم كتبوا كلام لا أساس له من الصحة حول شباب الإخوان والمدونون

ومبيعاتهم بقت فل الفل
الفرق بقى إن الدستور المحررين بتوعه كتبوا الكلام اللي كتبوه وكلنا عارفين هو ليه خرج بالشكل ده
ومين عاوز ايه وليه
أما عندما تكتب العجوز المترهلة روز اليوسف كلاما مثل هذا
فهي تغازل الحزب الحاكم (اللي بيصرف عليها على الرغم من فشل مبيعاتها) وفي نفس الوقت هي بتمارس عادتها في إهانة صحفييها ومحرريها بتوريطهم في هذه التغطيات الهزلية
أنا طبعا ماباشتريش المجلة السفيهة دي اطلاقا
لكن أحد المقربين لي
قال لي أن المجلة خرفت
وفوجئت بكلام يفترى على لسان اخواني المدونين
وآخر يفترى على لسان الدكتور مرسي
وثالث ينسب للأستاذ المرشد
الله ده الفشر على عينك يا تاجر
شوفوا كده





وشوفوا دي كمان



وبعدين الدكتور محمد مرسي أكد أنه لم يصرح بشيء في هذا الصدد
وأكد أنهم (كدابين زي العادة) ده على لسانه
وكمان هو مش مشرف قسم الطلاب ولاحاجة

كما أنني سألت فضيلة المرشد وأكد أن موقفه واضح جدا

أنه لم ولن يصرح أبدا لهذه المجلة بأي تصريح تحت أي مسمى ولو لم يتبق منفذ إعلامي غيرها في مصر

وبعدي لو افترضنا (وأنا متأكد أن ده مش صحيح) أن أحمد عبدالفتاح فعلا هاجم الإخوان بهذا الشكل

وبعدين رجع يشكر فيهم

ايشمعنى المحرر الهمام (اللي واضح إن آخر تعليمه الإعلامي كان في المدرسة الإبتدائية) ذكر هجوم أحمد بدون أن يعلق عليه وبعدين لما أحمد شكر في الجماعة اعتبر ده إزدواجية وبرر ده أنه متربي في جماعة مسؤليها كدابين ووحشين

وتجلت صنعة الكذب عندما ذكروا على لسان المدونة أروى الطويل ما لم يذكر في مدونتها أبدا بلهجة لم نسمعها منها من قبل حيث يبدوا الكلام للقارئ وكأنها تتهكم على الجماعة مع أن الواقع على العكس تماما فهي من خير المدونين الذين يعبرون عن الجماعة برؤيتهم وقلمهم الحر

وبعدين ذكرت المجلة الموقرة والمحرر الشجيع أن أنا وأخويا أحمد صاحب مدونة الشاب الحر الأبي عندنا مدونة واحدة وان هي ماشية في السياق ومنضبطة
طب ردوا انتوا عليهم والنبي لحسن أنا ضغطي ممكن يعلى

قال يعني المحرر متابع ومحقق في الموضوع
وبسؤال كلا من الدكتور محمد مرسي والأستاذ المرشد أكدوا أنهم على يقين من كذب تلك المجلة الصفراء وأنهم أبدا لن يكذبوا أبنائهم ويصدقوا مثل هؤلاء المرتزقة صاحبي الأقلام الفارغة من الحبر الشريف

ثم المانشيت اللي جابه المحرر الفظيع على لسان الأستاذ المرشد بأن الشباب تحت جزمته لم يرد في سياق التغطية الإعلامية الرفيعة للمحرر الهمام ورئيس التحرير المخضرم

يعني مانشيت متألف

وتصريحات الدكتور محمد مرسي _ أو بابا كما أناديه أحيانا_ نفاها هو نفيا قاطعا

لا يا شيخ تصدق كده أن أنت نجحت وخليت الشباب متغاظ من قيادته والقيادة زعلانة من شبابها

ده طبعا على أساس أنك اعتبرت أننا ماعندناش عقول تفكر وتفهم مؤامرات المخبرين من أمثالك ورئيس تحريركم الموقر

وبصراحة زمان القيادة مجتمعة دلوقتي وسايبة اللي قدامها واللي وراها ومصدقة اللي أنت قلته عن الشباب وعمالة تدبر إزاي تخلص من أبناءها المخلصين لدعوتهم غصب عنك

وزمان المدونين هما كمان عمالين يوزعوا أدوار مكتب الإرشاد الموازي الذي ستتبوأ مقعد المرشدية فيه أخت من الأخوات

كخطوة في طريق إعادة حقوق الأخوات المهدرة في الجماعة

هيهات يا هذا

شباب الإخوان أفهم وأعقل من هذا

وقيادتهم تثق فيهم جدا

وتخطو بتؤدة لأنها تأخذ بأيديهم ويأخذون بيدها

ولو ضرب آلاف من أمثالك رؤوسهم في الصخر لن يتغير حالنا أبدا بإذن الله إلا إلى الأفضل

طب قولولي انتوا بقى :

معلوملت خاطئة زي اللي قالوها عني وعن أخي

ومانشيت كاذب
وتصريحات زائفة

واتهام لأحمد عبدالفتاح بالإزدواجية رغم إن كلامه متوازن جدا
وكذب على قلم ولسان أروى الطويل

ده كله معناه ايه؟

من وجهة نظري

إن ده يا إما أداء مخبرين

يبقى مش هايعجب الجماعة بتوع الأمن لأنه يثير الضحك

ولا يقنع غرا ساذجا

يا إما محاولة لرفع المبيعات

وبرضه من رأيي أن الاحتمالين رخيصين جدا
ولا يليقوا بالصحافة المحترمة والشرف الصحفي

بس اتفقوا معي أنهم لايقين على روز اليوسف..... ولا إيه؟

29 comments:

doha said...

انا مجلة روزال يوسف الحقيقة
ماشترتهاش بس يمكن كنت بقراها
من ايام ثانوى لما كنت بقعد
فى مكتبة النادى
اللى مشترك فيه جنب بيتنا
كان كل حديث المجلة الجميلة دى
والكلام ده من عشر سنين تقريبا
عن حاجتين
اثارة الغرائز
يا مهاجمة الاخوان
فمش غريب
انها تفترى كدب
عليهم نظرا لكراهيتهم ده اولا
وكمان كنت بقرا فى مقال فى جريدة الاسبوع عن هجوم شرس للمجلة دى روزال يوسف اعنى
على الممرضات المنتقبات وانهم بيرعبو المريض فالافضل انهم ميشتغلوش منقبات وطبعا جريدة الاسبوع حققت فى الموضوع ده وسالت اكترية المستشفيات ونفو صحة الكلام ده
اطباء ومرضى
فطبيعى جدا
انى مفيش انسان متتبع المجلة دى ومنصف
هيصدقها اساسا
تحياتى ليك

Ta5areef Mohammed said...

بصراحه انا مش هقوول حاجه عن المجله دي

حتى مش هنطق اسمها

وكفايه اللي انتو قولتوه عنها

ومش انتو بس

لا كل الناس عاارفه ان المجله دي كل تحقيقتها كدب فى كدب

وبتخدم الحزب الحاكم وبس

ــــــــــ

راي فى الحصل

اعرض عن قول السفيه . فان كل ما قال فيه

لا ينقص البحر يوما . إن خاض بعض ....فيه

ــــــــ

وتاكد ان مفيش عااااقل هيصدق اللي المكتوب ده

حتى النظام نفسه مش هيصدق لانه عارف اللي فيها

د/عبد الخالق زهران said...

الاخ العزيز اسامة
انا مش عارف ازاى انت قدرت تقرا مقالة فى الجريدة السوداء دى

انت كدة والله يبقى بالك طويل اوى


ثانيا انا اعتقد أن هؤلاء السفهاء
احقر من ان ييرد عليهم

ومتى كان لكلام الصبيان أثر ععلى هامات العظماء

أخت مسلمة said...

أخي الكريم أسامة

مش عارفة ليه مزعل نفسك أوي كده

ليه؟ و علشان مين؟

المجلة دي أساسا مالهاش أي وزن

و الكل عارف تاريخها الاسود

فبلاش نخلي ناس زي دي يحسوا انهم حرقوا دمنا

بلاش نحسسهم انهم في موقف هجوم واحنا دفاع

دول عاملين زي نملة بتتحدي عملاق هي مش أده

يعني هجومهم ولا ليه أي وزن

و قبل كده عملوا هليلة زي دي

و عملوا هوجة في الاعلام

و في الاخر

ولا حاجة

الاخوان فوق كل كدب

و المرشد العام و د. محمد مرسي

لا ينكر قدرهم الا جاحد أو منافق

و رئيس تحرير المجلة دي النفاق نفسه يقوله يا مستر

عادي يعني

وبعدين بلاش تنكر الحقائق اللي اتكتبت

صح حضرتك و د. أحمد عندمن مدونة واحدة

نصها علي بلوجر و النص التاني علي مكتوب

بس انتو قسمتوها للتمويه

------------

ههههههههههه

و الله ناس فاضية و مش لاقية حاجة تشغلها

و ان كانوا هما فاضيين احنا مش فاضيين

احنا ناس عايشين بهدف و لهدف

طريق ربنا طريق مستقيم لا تبص يمينه ولا شماله

أصل لو بصينالهم يبقي بنديهم حجم أكبر من حجمهم

دا ان كان ليهم حجم أصلا

-----------

ان الله يدافع عن اللذين أمنوا

mesh_3aref said...

السلام عليكم ...ايه ده يا ارهابى انت لحقت يابنى ده انا سايبك العصر اقوم اجى العشاء الاقيك منزلها وبصور كمان ........ ماشى يا حبيبى ربنا يكرمك وهذه حرية الصحافه انها تفترى على الصالحين من ابناء مصر لكن لما يتكلم ابراهيم عيسى او الابراشى عن الظلمه والفاسدين يحكم عليهم بالسجن لعدم احترام آداب المهنه ....... بئس المعيار



أتمنى منك نشر ( رساله الى شباب مصر ) http://mesh3arief.blogspot.com/ رسالة إلى شباب مصر .... ساعدونا فى نشرها ياشباب

أحمد السيد عبد الحميد
mesh3arief.blogspot.com

زيزو said...

روز اليوسف يأسامة
بترد على روز اليوسف
فاكر لما كنت بتقولى
مش عاوزين نعمل ل-----ريحة

العسكري عتريس said...

كان في واحد بيكلمنى عن الصحافه فبيقولي اتعلم من روزليوسف ازاي تكتب لكن اياك تصدق معلومة واحده من اللي بيكتبوها

روزليوسف دي اصلا مجلة متخلفه ومكتوب تحتها المتحدث الرسمي باسم لجنة السياسات

تدوينة جامده يا اسامه استمر يا بني وافضحهم لانهم قللات الادب

اخونا المدونين احنا واثقين فيهم
على رأي المثل انا واخويا على ابن عمي وانا وابن عمي على الغريب

SAMT ~~ said...

سلاما سلاما
وما الجاهل الا من ادعى غير الحقيقة علما
ههههههههه اتأخروا اوي يا اسامه
طيب يعني اشتريها ولا ايه متنزلنا المقال هنا عشان محدش يشتريها ههههه
ولا اقلك مش مستاهله كلمهم هيبقى حامض غير مقروء

شقاوة شعب said...

ماهو كله عايز يلهف حتة من التورتاية
يعنى اشمعنة المصرى الويم والدستور

ده حتى روزا اولى بالافتراءات والكدب وقلة الادب

المهم احنا شباب الاخوان لازم نصبر ونحاول على قد مانقدر ننشر نفسنا اكتر ونوسع دايرة الناس اللى بتقرالنا عشان نرد على تهريج الجرايد اللى عايزة تكسب على حسابنا

لازم ننفتح اكتر ونرد فى كل مكان يسعنا فيه الرد


تحياتى
شيماء

أسامة مرسي said...

الأخت ضحى
أنا سعيد جدا بزيارتك الأولى
جدا
أما بالنسبة لروزاليوسف
فعادي جدا
احنا قدها وقدود
جزاكم الله خيرا على الزيارة
ومش هاوصيكي تكرريها
................................
محمد باشا
تخاريف على ودنه يعني
أنا طبعا متاكد ان مافيش حد هايصدقهم أبدا
وأنا مش قالقني ده خالص
انت عارف أخوك
مش أقل من النيويورك تايمز عشان أقلق
تسلم على الزيارة
................................
د-عبدالخالق زهران
أستاذي الفاضل
أنا مش برد عليهم لأن فعلا مستواهم أقل من كده
وأبدا لم يؤثر كلام الصبيان على هامات العظماء
جزاك الله خيرا
...............................
المدونة المحترمة الأخت مسلمة
أولا نورتينا
ثانيا أنا والله مش مزعل نفسي ولا حاجة
ووالله دمي ماتحرقش ولا حاجة
أنا بس باتهكم
باتتريق يعني
أما بالنسبة لي أنا والدكتور أحمد فعندك حق أنا هابطل أنكر بعد كده
بس طبعا طبع النص بتاع مكتوب أقوى بكتييييييييير
ده النص بتاع الباشا
بس بجد بجد عجبتني جدا الجملة دي
و رئيس تحرير المجلة دي النفاق نفسه يقوله يا مستر
شديدة قوي قوي
نورتي المدونة يا أستاذة
.............................
أهلا أحمد اللي مش عارف
نورت يا صديقي
وأي خدمة احنا بتوع السرعة والانجاز
وكلامك عن الصحافة الحقيرة أنت أوجزت فيه
..............................
زيزو لم الدور وبلاش فضايح
..............................
عتريس
وحياتك مابيعرفوا يكتبوا كمان
تحياتي
.............................
صمت باشا برنس التدوين
شديد قوي البق ده
وما الجاهل الا من ادعى غير الحقيقة علما
وعندك حق بايتين وأخبارهم قديمة
نورت يا حبيب قلبي
.............................
الأخت شيماء صاحبة مدونة شقاوة شعب
اذا كان في تورتاية فأنا نفسي تدوني حته
وكلام حضرتك عن دور شباب الاخوان
سليم جدا وفي مكانه
وياريت ننفذ بس نصه
تحياتي لك

أحمد عبد الفتاح said...

الاخ العزيز والغالي قوي اسامه
تحية كبيرة بجد
انا اكيد ضايقني كل كذب الجريدة ولكن ما اسعدني حسن ظنك بي وبباقي المدونين واعتقادك اننا لم نقل مثل هذا الكلام بالرغم من انه لم تكن هناك سابق معرفة بيننا
اخي الحبيب
اعتذر علي التاخر في الرد ولكنني كنت منشغل باحد المتمرات الاعلامية
واحب ان اووكد لمجرد التاكيد اننني لم انطق بولا كلمة مما نشر ولم ادلي بتصريحات لاي احد من هذه البتاعه الي بتقوا عليها جريدة
وعالعموم الصبر جميل وحقنا هناخده

إسلام ناجح said...

استاذ أسامة تاعب نفسك وقعدت تطرقع ع الكيبورد كل دا
على إيه؟؟؟؟؟؟؟؟؟؟
دول ولا يسووا في عالم الصحافة ولا غيره
حتى كلمة "ولا يسووا" كتييييرة عليهم
أصل معناها إنهم موجودين أصلاً، والصراحة دول وجودهم زي عدمه مش بيفرق
عمومًا
تحياتي ليك وللنص التاني على مكتوب :)

جمعاوى روش طحن said...

باشا

لك كلمة واحده عندى

.....

...
..
.


فكك منهم

أسامة مرسي said...

الأخ المحترم الذوق أحمد عبدالفتاح
جزاك الله خيرا
تأكد أن أنا مش محتاج سابق معرفة عشان أثق في إخواني
الثقة يابو حميد ركن من أركان بيعتنا
وأتمنى تكون غطيت المؤتمر تمام التمام
أنا متأكد انك بدعت
ومن غير ماتأكد أي حاجة أنا عارف الكذابين كويس
ربك فاضحهم
أشكرك يا حبيبي
..........................
اسلام ناجح
نورت
تحياتي أنا الآخر وتحيات النص الآخر من مكتوب
..........................
جمعاوي باشا
عينيا هافكني منهم
نورت يا أستاذ جمعاوي
على فكرة سلامك وصل للأستاذ المرشد

Anonymous said...

إيه انت بتنكر يا متر و اللا ايه
هو انا و انت مش واحد
و اللا انت هتفرق

ماشي يا سيدي ما هي برده الشهرة نارنها تحرق

بس علي العموم انا لسة علي العهد
انا و انت مش واحد
لو فيه أقل من الواحد

و عجبني جدن جدن تعليق المدونة أخت مسلمة

و شباب الاخوان كلهم كمان واحد
بنكمل بعض
بنوجه بعض
بنساعد بعض
بناخد بايد بعض

و سمعني
من يوقف حقدا أسود

سميرة يوسف said...

عاجبني أوي رد حدرتك
المجلة دي أصلا عاوزة حد يوقفها عند حدها
بأى مافيش غير دول اللي يتكلموا على حدرتك وعلى الأستاذ المرشد وعمو محمد
يالله
ماهي بقت مهزلة
ياما نفسي كل الإخوة تعمل زي حدرتك
مش عارفة أنا باستفيد أوي من كتابات حدرتك
جزاك الله خيرا
وشد حيلك

أسامة مرسي said...

أحمد باشا مرسي
يا أهلا وسهلا
ماعاش اللي يتنكرلك ياباشا
دانتا شرف ليا
دا انت حبيبي من أيام الجيزة
ياباشا مين قال ان احنا واحد احنا
احنا اتنين
بس أحسن من الواحد
وسمعني سلام
اللي مالوش كبير يشتريله كبير
...........................
الأخت الفاضلة
سمية يوسف
جزاكم الله خيرا
أنا كده ممكن آخد في نفسي مقلب
وأتغر
احنا غلابة والله
أشكرك
وطبعا
حضرتك نورتي
معلش يا جماعة لازم أرد رد كويس انتوا شايفين الإحراج
...............
تحياتي للجميع
ونتقابل البوست اللي جاي
السلام عليكم

أم استشهاد said...

اخى الفاضل لقد اعتدنا على هذه المهاترات من مجله عقيمه مثل روز اليوسف
لذلك لا تعبا باى كلام يقال فيها
وتيقن اننا نثق فى مرشدنا الفاضل ومتيقنين انه لا يقول مثل هذه المهاترات
ونثق ايضا فى مسئولينا
ونثق فى ابانا الغالى د/مرسى
وهذه الافتراءات لم ولن تحرك بنا ساكن لاننا اعتدنا عليها

ابن الحرية said...

اتمنى أن تشغلك نفس بشى أهم من ذلك لأن الإخوان لهم هدف واضح نبغى ان يعملوا له ولا يصرفهم عنه أى شاغل
أخ يحبك فى الله

شركة مكافحة حشرات said...

شركة مكافحة حشرات بالخبر
شركة مكافحة حشرات بالدمام

شركة مكافحة حشرات said...

شركة مكافحة حشرات بالاحساء
شركة مكافحة حشرات بالقطيف
شركة مكافحة حشرات بالجبيل
شركة رش مبيدات بالقطيف

المثالي جروب said...




شركة تنظيف منازل بالاحساء
شركة تنظيف بالاحساء
شركة تنظيف مجالس بالاحساء
شركة تنظيف فلل بالاحساء
شركة تنظيف خزانات بالاحساء
شركة تنظيف مسابح بالاحساء
شركة تنظيف شقق بالاحساء
شركة نقل عفش بالاحساء
شركة كشف تسربات المياة بالاحساء
شركة تسليك مجاري بالاحساء
شركة شفط بيارات بالاحساء

المثالي جروب said...



شركة تنظيف بالجبيل
شركة تنظيف مسابح بالجبيل
شركة تنظيف مجالس بالجبيل
شركة كشف تسربات المياة بالجبيل
شركة مكافحة فئران بالجبيل
شركة شفط بيارات بالجبيل

المثالي جروب said...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالجبيل
شركة المثالية للتنظيف بالقطيف
شركة المثالية للتنظيف بالاحساء

شركة مكافحة حشرات بالجبيل
شركة رش مبيدات بالجبيل
شركة تنظيف خزانات بالجبيل
شركة تنظيف شقق بالجبيل
شركة نقل عفش بالجبيل
شركة تسليك مجاري بالجبيل

المثالي جروب said...


شركة تنظيف منازل بتبوك
شركة تنظيف بتبوك
شركة تنظيف شقق بتبوك
شركة تنظيف فلل بتبوك
شركة تنظيف مجالس بتبوك
شركة تنظيف خزانات بتبوك
شركة رش مبيدات بتبوك
شركة نقل عفش بتبوك
شركة تسليك مجاري بتبوك
شركة كشف تسربات المياة بتبوك

خدمات متميزة said...

شركة تنظيف بالقطيف
شركة تنظيف منازل بالقطيف
شركة تنظيف مجالس بالقطيف
شركة تنظيف خزانات بالقطيف
شركة تنظيف كنب بالقطيف

شركة مكافحة حشرات بالقطيف
شركة مكافحة النمل الابيض بالقطيف
شركة كشف تسربات المياه بالقطيف
شركة شفط بيارات بالقطيف

خدمات متميزة said...

شركة طيوب لتسليك المجاري تعد الشركة الاولي بالمنطقة الشرقية لتسليك المجاري وشبكات الصرف وبالوعات الصرف للمطابخ والحمامات باستخدام افضل الاجهزة الحديثة وامهر العمالة المتخصصة والمدربة علي تسليك مجاري المياه وسبكات الصرف وفق القواعد الاساسية لتسليك المجاري فتعد شركة طيوب لتسليك المجاري خير صديق لراغبي تسليك مجاري المياه فلديها افضل شركة تسليك مجاري بافضل جود وارخص الاسعار بجميع مدن ومحافظات المنطقة الشرقية بالمملكة العربية السعودية فلدينا الخدمات الاتية

شركة طيوب لتسليك المجاري
شركة طيوب لتسليك المجاري بالقطيف
شركة طيوب لتسليك المجاري بالدمام
شركة طيوب لتسليك المجاري بالخبر
شركة طيوب لتسليك المجاري بالجبيل
شركة طيوب لتسليك المجاري بالاحساء
طيوب للمجاري
طيوب لتسليك المجاري بالقطيف
طيوب لتسليك المجاري بالمنطقة الشرقية

خدمات متميزة said...

شركة المثالية لمكافحة الحشرات
شركة المثالية لمكافحة الحشرات بالدمام
شركة المثالية لمكافحة الحشرات بالخبر
شركة المثالية لمكافحة الحشرات بالجبيل
1شركة المثالية لمكافحة الحشرات بالقطيف
شركة المثالية لمكافحة الحشرات بالاحساء

شركة المثالية لمكافحة الحشرات بجدة
شركة المثالية لمكافحة الحشرات بالطائف
شركة المثالية لمكافحة الحشرات بمكة

خدمات متميزة said...

شركة المثالية للتنظيف
شركة المثالية للنظافة الشاملة
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالجبيل
المثالية للتنظيف الاحساء
شركة المثالية للتنظيف بالقطيف
المثالية للتنظيف بالقطيف
المثالية للتنظيف سيهات

شركة المثالية للتنظيف بالاحساء
المثالية للتنظيف بالاحساء
شركة المثالية للتنظيف بجدة
شركة المثالية للتنظيف بالطائف
شركة المثالية للتنظيف بمكة