Monday, November 26, 2007

فضيلة الأستاذ......وطفق يوضح لي الرؤية



النهاردة كان عندي موعد في النقابة العامة للمحامين بالقاهرة

قبل الموعد توجهت للمركز العام للإخوان المسلمين (مقر مكتب الإرشاد) والكائن بمنيل الروضة

ذهبت بنية زيارة فضيلة لمرشد والاطمئنان على صحته

كنت أحتاج لرؤية هذا الرجل(فقط رؤيته) فمجرد النظر اليه يمدني بطاقة قوة كبيرة قد تكفيني شهورا

وصلت الى المركز العام وكان فضيلته لم يصل بعد

قابلت الدكتور محمد السيد حبيب وبعد التحيات وسؤالي عن صحته وسؤاله عن عائلتنا وعن شيخنا عبدالله كما يدعوه-عبدالله ده أخويا الصغير- المهم دار بيني وبين الدكتور حبيب حوار سريع جدا عن التدوين وحاله وآدابه والرجل شد على يدي وإخواني المدونين وأعرب عن سعادته لريادة شباب الإخوان لهذا المجال

ودعانا الى الاستمرار

ووصل فضيلة الأستاذ الذي دخل بمرح كعادته وسلم على الجميع وخصني بأحضان مازلت أشعر بالفخر أن خصني بها

دخل الأستاذ الى مكتبه وجلس في بساطة وأريحية كعادته

وسألني عن اخوتي ووالدتي وأبي وطمأنني على صحته

وطبعا
أنا انتهزت الفرصة وبدأت أسأله بعض الأسئلة التي تحيرني

وبدأ يجيبني

وفتح لي آفاقا لم أكن أعيها من قبل

وودت لو أني اصطحبت معي من يمكنني اصطحابه

بجد تلقيت سيلا من المعلومات والفائدة وتوسيعا للأفق لم أكن أنتظره

لم يبخل علي أبدا بإجاباته الوافية ولا بوقته الثمين جدا ولم يضجر من بعض أسئلتي التي بدت له(غبية)بعض الشيء

وعدت أسأله عن رأيه في التدوين فأثنى على الشباب ودعانا لأن ننطلق انطلاقة أوسع وأعرب عن ثقته أنه مازال في جعبتنا الكثير

خصصت السؤال عن رأيه في ماكتبته الدكتورة رشا بعنوان (رسالة الى المرشد العام) أو كما يعرفه الكثير باسم الموجة العاشرة من أمواج التغيير

فرد بأنه سعيد جدا بهذه الرسالة وانه استمع اليها مصغيا واثارت عنده الكثير وإن كان يفضل أن تكون النصيحة وجها لوجه وقال : أن الدكتورة ليه ماجتليش المكتب هنا وأنا كنت هاستمع ليها وأوضح لها مقام الأخوات _الذي يعلو من وجهة نظره أحيانا عن مقام الاخوة_وأستمع لها معقولة تبقى بنتي وتبعتلي جواب

عجبني جدا انفتاح الأستاذ وسعة صدره

وعجبتني جدا فكرته بأن اللي متضايق من حاجة يذهب اليه ويطرحها مباشرة _شريطة أنت تعالج ظاهرة مثل التي تناولتها دكتورة رشا_واتفقت مع الأستاذ أن أجري معه حوارا لشباب الجماعة لأنشره على مدونتي

ووافق بشدة ورحب بالفكرة
أشكرك يا فضيلة المرشد
انتظروا قريبا حواري مع الأستاذ المرشد...الذي سيحمل لكم راحة نفسية كبيرة

ودعواتكم لي...

.............................................

آه نسيت أقولكم المأمورية بتاعة النقابة العامة تمت بنجاح والحمد لله

20 comments:

د/عبد الخالق زهران said...

الاخ الفاضل اسامة مرسى

هنيئا بداية لقائك بالاستاذ المرشد والدكتور النائب الاول

وياريت كل اصحاب الاقلام الماجورة يقرأوا ويتعلموا كيف تتعامل قيادتنا مع شباب الدعوة

وكيف يتحاورون ويتواصلون

و اضع هذه التدوينة بين يدى الصحفيين المأجورين الذين تحدثوا عن ما اسموه تمرد شباب مدونى الاخوان

اللهم احفظ الاخوان قيادة وشبابا

albaghdadi said...

والله أنا قولت كده في تعليقي على الموجة العاشرة
لكن يظهر ان النقد الذاتي ده بقى موضة و(موجة ) كله عايز يمشي معاها
وياريت بقى
تشرفني بتعليقك
http://abdoualbaghdadi.blogspot.com/2007/11/blog-post_22.html

سميرة يوسف said...

والله انت كده بتتصرف تمام جدا
رحت وسألت مباشرة

ياريت كل الشباب اللي بيهيسوا يعملوا كده
انما تقول لمين
وكلام عمو عاكف ممتاز خالص
ليه الأخت رشا ماراحتلوش بدل ماتخلي اللي يسوا واللي مايسواش يتكلم عالإخوان
بس هي بصراحة كانت مؤدبة جدا عشان ماأظلمهاش
لكن كان أحسن تروحله
زيك

شكرا

Anonymous said...

المرشد عاكف ده بتاع كلام
كله كلام في كلام
انت لو مش ابن محمد مرسي
الصقر
الصقر
ماكانش قابلك ولا عبرك
دماغ زي ال....ولا بلاش

العسكري عتريس said...

بص بقه سيبك من ده كله انا عاوز اعرف المأمورية بتاعت النقابه ايه :p

فضول هههههه

كويس جدا انك اتكلمت مع الاستاذ المرشد في الموضوع ده .. علشان انا كنت ناوى اسأل في الموضوع

اما موضوع النقد فأنت عارف رأيي فيه

لكن كلام الأخت رشا كان جميل وبيوضح قد ايه اننا فينا عيوب وبنحول قدر الامكان اننا نصلحها

نسدد ونقارب .. بس اعتقد انه مش كان ليه لازمه يبقى على العلن لان احيانا ممكن بدل ما يحل المشكلة يعقد المشكلة

ورأي في كلامها كتبته في كومنت عندها

اما رأي في كلامك مع المرشد فهو بيدل على ان الأستاذ الفاضل متميز في طريقه تفكيره

جمعاوى روش طحن said...

الأخ الكريم

أسامة


" هى الكوسة إشتغلت ولا ايه ؟"

يعنى إنت علشان بن الدكتور مرسى المرشد يرضى يقعد معاك و إحنا لا ؟

" طبعا مش أنا اللى بأقول كده لانى الحمد لله قابلت المرشد قبل كده

اللى ح يقول كده بعض المدونون المحسوبين على الإخوان


خد بالك


أما عن الموضوع ذاته

ف الله ينور عليك و على فضيلة المرشد

و بالله عليك لما تشوفه تانى

قله

جمعاوى بيسلم عليك

و أبو جمعاوى كمان

عبد الجواد said...

الاخ اسامة
بارك الله فيك وتقبل الله منا ومنك
رجاء توضيح هذا الامر
تعليقا علي مقال د.رشا في مدونة الامواج
حتى يعلم الاخوة هناك
رأي فضيلة المرشد
لان هذا هو محور القضية هناك
لان الجميع ترك موضوع المقال
واختلفوا حول مدى اهمية نشره
ولماذا موجه لفضيلة المرشد


علي فكرة اول مرة ادخل مدونتك
بالفعل جميلة
وتقبل الله منا ومنك

الحشرى said...

ربنا يبارك فيك أخى الحبيب

أنت كده بصراحة عملت عين العقل

بس برضة أخى الحبيب كان المفروض تكتب أيه اللى قالك ليك فضيلة المرشد علشان الحاجات اللى قالت عليها أختنا رشا حاجات كانت موجودة بالفعل والحمد لله اتطورت وأصبحت الحمد لله مش موجودة والأخوات ليهم كيان وكمان الشورى موجودة وقسم الأخوات أصبح دلوقتى مش قسم بقى مثل الأخوة وأصبح دلوقتى أن الإخوات ليهم مسئول وأقسامهم للجماعة مثل باقى الأقسام وليهم كيان وكل حاجه
ياريتك كنت وضحت أكتر علشان الجميع يعرفوا أن الحمد لله الجماعة كل يوم بتزداد نور وإشراق وكل يوم بيكون فيها الرأى مش بيعبر عن صاحبة وخلاص ولكن فيها شورى وفيها الأراء المتفتحة ومحدش بيحجر على حد

مشكور ليك الإدراج الرائع أخى الحبيب

أسامة مرسي said...

الدكتور عبدالخالق
أؤيدك وبشدة أننا يجب أن نريهم هذا التواصل
شرفتني زيارتك جدا
وبالنسبة لدعاءك ..فاللهم آمين
............................
البغدادي
أنا قرأت تعليقك هناك
متميز ماشاء الله
ووالله باحاول أعلق عندك مش راضي يطلع تعليقاتي خالص مش عرف ليه
............................
سميرة يوسف
طبعا كلام عمو عاكف صح
جزاكم الله خيرا
وبالنسبة للجماعة اللي بيهيسوا
فربنا يهدي
............................
المجهول
مالكش دعوة
............................
عتريس
حبيب قلبي
عارف ان شاء الله المرة الجاية نروح سوا
............................
جمعاوي باشا
الكوسة شغالة من زمان
أنا ياما قابلت المرشد والدكتور الزهار ومشير المصري وغيره
تبقى الكوسة ايه؟؟شغالة
شكرا حبيبي على الزيارة
والمرة الجاية والله أسلملك عليه بالاسم
...........................
عبدالجواد
لا تقلق التفاصيل قريبا
...........................
الحشري
شكرا على التثبيت
السلام عليكم

CresceNet said...

Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. If is possible add the CresceNet(www.provedorcrescenet.com) in your blogroll, I thank. Good bye friend.

شباب بيحب اسلامه said...

ما شاء الله ممتاز يا اخ سامه ربنا يبارك ليك استغليت الموقف كويس في انك تعمل معاه حوار ياريت الحوار يشمل بعد اذنك بعض النقاط اللي المدونين اللي محسوبين علينا أثاروها وجزاكم الله خيرا

سارة بندارى said...

ما شاء الله

ربنا يحفظك ويحفظه

فى انتظار تلك المرافعة

آآقصد الحوار

جزيت الجنة

حور الجنة said...

عقبالى لما اقابله
آديلى كاااام سنة بازن على بابا عشان اروح .. بس مش هيأس ان شاء الله

فى انتظار الحوار

أسامة مرسي said...

شباب بيحب اسلامه
نورت يا صاحبي
وان شاء الله الحوار يعجب الكل
تسلم ياريس
.................................
سارة بنداري
الله يحفظك
والحوار في الطريق قريبا
.................................
حور الجنة والله زيارته سهلة خالص
والأستاذ لا يغلق بابه في وجه أحد
تشجعي وروحي
وربنا يبارك فيكي

صريح أوي said...

جزاكم الله خيرا
نعم الزائر ونعم المزور
اعتقد أن في هذه التدوينة رد كبير علي كثير من الشائعات الصحفية الوطنية التي تدعي انغلاق الاخوان وموضوع اجيال الجماعة
..
...
أعتقد أيضا أنه من المهم نشر التدوينة بين المودنين وعلي المواقع المختلفة وفي الصحافة
يارييت نعمل علي كده

أسامة مرسي said...

الأخ الفاضل حسن خضري
نورتنا جدا
جزاكم الله خيرا
وأنا بالفعل أضعها بين يدي الصحافة غير المدققة
.............
أما بالنسبة لنشرها على المدونات
فدي بقى مش بتاعتي دي بتاعتك انت
مرة أخرى جزاكم الله خيرا

أم استشهاد said...

المره الجايه ان شاء الله ابقى سلملى عليه بس ابقى ادينى خبر عشان عايزه اقولله كلام كتييييييييييييير قوى
حفظكم الله اخى

Unknown said...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالجبيل
شركة المثالية للتنظيف بالقطيف
شركة المثالية للتنظيف بالاحساء

شركة مكافحة حشرات بالجبيل
شركة تنظيف شقق بالجبيل
شركة رش مبيدات بالجبيل
شركة تنظيف خزانات بالجبيل
شركة نقل عفش بالجبيل
شركة تسليك مجاري بالجبيل

Unknown said...



شركة تنظيف منازل بالاحساء
شركة تنظيف بالاحساء
شركة تنظيف مجالس بالاحساء
شركة تنظيف فلل بالاحساء
شركة تنظيف شقق بالاحساء
شركة تنظيف خزانات بالاحساء
شركة تنظيف مسابح بالاحساء
شركة نقل عفش بالاحساء
شركة كشف تسربات المياه بالاحساء
شركة تسليك مجاري بالاحساء
شركة شفط بيارات بالاحساء

Unknown said...

شركة تنظيف منازل بالقطيف
شركة تنظيف بالقطيف

شركة تنظيف منازل بالخبر
شركة تنظيف بالخبر

شركة تنظيف بالجبيل
شركة تنظيف مسابح بالجبيل
شركة تنظيف مجالس بالجبيل
شركة كشف تسربات المياه بالجبيل
شركة شفط بيارات بالجبيل
شركة مكافحة فئران بالجبيل