Friday, November 2, 2007

النوم .....سلطان البلاد



أيقظوني عندما يمتلك الشعب زمامه

عندما ينبسط العدل بلا حدٍ أمامه

عندما ينطق بالحق ولا يخشى الملامة

.عندما لا يستحي من لبس ثوب الإستقامة

ويرى كل كنوز الأرض لا تعدل في الميزان مثقال كرامة.

سوف تستيقظ

..
لكن ْما الذي يدعوك للنوم إلى يوم القيامة؟
أحمد مطر

39 comments:

Anonymous said...

يا جامد يا مستشار
شديد أوي البوست ده
ومعبر
ومن غير ما تقول حاجة
الشاعر هو اللي قال
انت مأمن نفسك
مانت عامل المدونة باسمك الحقيقي وصورتك الحقيقية
مش زي بتوع الاخوان
واحد يسملي نفسه الفارس ومش عارف ايه
مش قد الكلام بيكتبوه ليه
انما انت
انت برنس
طحياطي

albaghdadi said...

ستستيقظ قريبا إن شاء الله
فالإخوان قادمون
والله أكبر ولله الحمد
ابقى شقر علينا لما تصحى
(بس مش الصحيان اللي في البوست )

ابو صهيب ( الجمعاوي الاصيل)سابقاً said...

السلام عليكم ورحمة الله وبركاته
اخي الفاضل
هل يقصد احمد مطر في هذه الابيات المعبرة ان النائم هو الشعب الذي لا يبحث عن حقه وينتظر ان يأتي اليه احد بحقوقه ثم يوقظه بعد ذلك
لوكان كذلك فلن يستيقظ هذا الشعب ابداً و
وان لم يمن يقصد ذلك فانا الذي لم افهم
ولكني احب هذا الشاعر احمد مطر وبارك الله فيك
صاحب مدونة ميخا

أحمد السيد عبد الحميد said...

السلام عليكم ..زكيفك يا ارهابى وحشنى أسأل الله لك القبول ودائما من تقدم لتقدم .

طبعا هتشرفنى بزيارة مدونتى وهتضيف مدونتى عندك علشان ترفع من روحى المعنويه أنا عارف من غير ماتقول

تحياتى وتحياة أسرة مش عارف
http://mesh3arief.blogspot.com/

أحمد السيد عبد الحميد

أسامة مرسي said...

البيدق الفائز

ربنا يهديك

أسامة مرسي said...

البغدادي

نورتنا يا باشا
مدونتك جميلة يا أخي وفيها شيء مختلف
استمر

أسامة مرسي said...

حبيب قلبي ميخا باشا الجمعاوي الأصيل
شرفتنا يا عم بالزيارة الجميلة جدا دي

انت فهمت الأبيات صح لكن
والشاعر بيسخر من هذا الوضع
راجع آخر مقطع
هتفهمني أكتر
نورت يا برنس

أسامة مرسي said...

ازيك يا أخ أحمد نورتني يا حبيبي
انت واحشني أكتر
يشرفني أن أضيفك عندي
سلامنا كتيييييييير
لأبو كبييير

ساره عمر said...

فعلا هذا الشعب اصبح ينتظر ان يأتي له بكامل حقوقه احد ثم يوقظه من نومه بعدها
ولكن مازال عندي الامل فحتما سنعود
تحياتي لك اخي الفاضل وللكلمات المعبره عن ما نحن فيه حقا

ابو صهيب ( الجمعاوي الاصيل)سابقاً said...

ندعوكم
لزيارة مدونتنا المتواضعة
ميخا http://miikha.blogspot.com/
والتعليق على الصورة بتاعت المواطن المطحون
وتسعدنا زيارتكم

أسامة مرسي said...

حنين
يا مرحبا
فين تدوينات حضرتك
بجد والله المدونة بتاعتك لها مستقبل متميز
ثقي فيا
جزاكم الله خيرا على الزيارة الكريمة

أسامة مرسي said...

البرنس بتاعنا الجمعاوي الأصيل
نورت يا معلم
أنا زرت مدونتك وأضفتك عندي كمان
ده شرف لينا يا فندم

ღϠ₡ღأمير الهدوءღϠ₡ღ said...

جاااااااااااااااااااااااامد جدا

مدونتك رائعه
وكلامك جميل جدا ويدخل الدماغ

جزاك الله خير

أسامة مرسي said...

تشكر يابرنس
ماتكسفنيش أرجوك
جزاكم الله خيرا

Anonymous said...

عاحباني المدونة دي موووووووووت
والبوست اللي فات شديد أوي
واختيار أبيات الشعر مناسب جدا
تسلم ياريس
نريد المزيييييييييد

Anonymous said...

ممكن أقول رأيي فيك بصراحة
لو مش ممكن قول مش ممكن

أسامة مرسي said...

يا عم المجهول قول كل اللي في نفسك
اوعى تخلي في نفسك حاجة

Anonymous said...

طب اوعدني ماتحذفش الكلام

Anonymous said...

طب اوعدني ماتحذفش الكلام

أسامة مرسي said...

أوعدك

Anonymous said...

انت جاهل ومنقاد
وبلا رأي وأبوك وزملاؤه من الأصوليين والصقور
مسيطرين عليك
وعايش دور أكبر منك
وسن مش سنك
وبتسمع اللي أبوك بيقوله في الفسحة عندكم في الفلاحين وبتيجي تعيده قال يعني لنت واد فهيم
ماتزعلش مني على صراحتي
بس بجد أنا بحبك
حاول تكون ليك شخصيتك المستقلة

العسكري عتريس said...

ايه قلة الأدب بتاعتك دي
ده مش اسمه صراحة ولا رأي ده اسمه قلة أدب
يا شخص غير معروف

لو انت خايف عليه وعاوز تنصحه بجد مش يكون على الملأ

اولا انا اعرف اسامه كويس جدا وهو اصلا مش بيشوف والده

تاني حاجة الراجل بيكلم الناس باحترام وعمره ما غلط في حد

تاني حاجة ماشاء الله عنده علم كبير وبيقرأ كتب كتير وكفاية ان هو عنده رأي بيكون مقنع في اغلب الاحيان

وحتى إن كان رايه مقارب لراي والده فده حقه مش والده ووالده هو قدوته

لكن راييه كتيير بيكون صح

وأن انت تخلف معاه مافيش مانع لكن ما ينفعش تقل ادبك عليه قدام الناس وبعدين انت ليه كاتب بـ
Anonymous
ده لان انت معندكش الجرأة الكافية بأنك تعرف الناس انت مين

انت من الأخر شخصية مستترة قليلة الأدب

وانا عارف ان اخلاق اسامه هتمنعه من انه يرد عليك وياريت يا اسامة تحذف الرد بتاعه

كرانيش said...

اولا
تعليقى على الشعر اللى انت جايبه
كويس انك تجيب شعر فى المدونه
ولاحمد مطر يا جماعه اللى ميعرفوش انه شاعر عراقى وزى ما بنقول ثورجى وله قصايد عديده سياسيه جيده
له قصيده اسمها
اين صديقى حسن؟
جيده جدا

ثانيا
بالنسبه للاخوه المجاهيل اللى بيعلقوا عندك
انا رايي انك ترد الدكتور محمد يستاهل عشانه انك ترد وتردبمنتهى المصداقيه والعقل وحاول تختلف عنهم وده ظنى فيك

ثالثا بقه
المدونه بتاعتك مدونه تستاهل ان الواحد يدخلها

تحياتى

أسامة مرسي said...

Anonymous

الناس بتطالبني اني أرد عليك
انت ايه رأيك
أقولك على حاجة
أنا هارد عليك في الآخر
اتفقنا
سلام

أسامة مرسي said...

العسكري عتريس
في قلبي لك من العواطف والمشاعر ما لا تصدق
اني أحبك في الله
أحبك في الله
أحبك في الله
والله يشهد
مشكور العاطفة والدفاع
جزاك الله الجنة

أسامة مرسي said...

كرانيش
صدقيني زيارتك وتعليقك من الزيارات المتميزة في مدونتي والتي أثرت في جدا
أحمد مطر ده رااااااااائع
أنا شخصيا حافظ لافتات القبس كلها
ماشاء الله عليه
بالنسبة لرأيك في ردي على المجهول
ان شاء الله أوعدك أرد
أما عن رأيك في مدونتي فأنا سعيد به جدا جدا
وكذلك مدونتك التي تحمل بصمة مميزة جدا
ربنا يبارك
أنا أضفت حضرتك عندي
بعد إذنك يعني

Anonymous said...

بص ياله انت
أنا مابكرهش حاجة في حياتي قد ما بكره الاخوان
لكن ماقتنعتش في حياتي بحد قد ماقتنعت بالمستشار أسامة
أنا مش عارف انت مش حاسس ازاي انه موهوب ومميز جدا
انت أعمى
بص يا مستشار
يسيبك من العيال التعبانة دي
وكمل
والله انت فلة
فللللللة

khobayb said...

ههههههه

ايه الحرب دي يا حاج أسامة ؟

المهم سيبك انت

البوست جميل جدا

وأنا رأيي بقى إنك متردش على حاجة من ده من هنا ورايح "فالنار تأكل بعضها إن لم تجد ما تأكله"

والحجارة غالية اليومين دول

"لو كل كلب عوى ألقمته حجرا .. لأصبح الصخر مثقالا بدينار"

أخـــ مسلمة ـــت said...

أولا الأبيات في منتهي الروعة و الرقي

و معبرة جدا

جزاكم الله خيرا

ثانيا

ليه الخناقات دي

و مين أصلا اللي يستاهل ان الاخوان يتخانقوا معاه

بالنسبة لرد الاخ عتريس

أنا مقدرة طبعا غيرته علي أخيه

لكن مش الاخوان اللي يردوا كده علي واحد حتي ماعندوش الجرأة انه يقول اسمه

لانه لو كان هدفه النصيحة ماكانش قالها بالطريقة دي

ولكن ربنا سبحانه و تعالي قال

"ادفع بالتي هي أحسن"

و رسولنا صلي الله عليه و سلم قال:

"رحم الله كل هين لين سهل"

و امامنا البنا رحمه الله رحمة واسعة قال:

" كن كالشجر يرميه الناس بالحجر فيرميهم بأطيب الثمر"

و بم اننا اولي الناس باتباع الحق

ما ينفعش نخاطب الجاهل باسلوبه

" واذا خاطبهم الجاهلون قالوا سلاما"

مش معني كلامي ان حضرتك يا اخ اسامة ما تردش

لا لازم ترد بما يناسب خيرة أبناء الاخوان

يعني من الاخر ممكن تاخده رايح جي غسيل و مكوة من غير ولا غلطة

عارفة ان حضرتك فاهمني

واذا كان بيقول ان حضرتك مقلد

ده أكبر دليل علي جهله

هو أصلا مش فاهم ان الحق يتكلم بلسان واحد

--------------

جزاكم الله خيرا علي الابيات الجميلة

في انتظار المزيد

-------------

ممكن تشيل ال word vertification

دا لو مافيهاش ازعاج يعني

أسامة مرسي said...

البيدق الفائز
إشصة يا معلم
هو ايه بس ياأخي اللي فلة
عموما جزاك الله خيرا
وأكرر لك من كل قلبي
إشطة
لكن صدقني اذا كنت بتحبني صحيح فاعلم أني أقل وأسوأ واحد في جماعة الإخوان المسلمين

أسامة مرسي said...

خبيب
أنا مبسوط أوي
انت يابني منفضلي خالص وزياراتك دي بتخليني سعيد جدا
ان في ناس مخها كبير بجد بتقرأ الجهد المتواضع اللي أنا باحاول أعمله

أسامة مرسي said...

الأخت الفاضلة اسراء
أنا أصلا من أشد معجبي أحمد مطر في العالم العربي
شاعر بمعنى الكلمة
أما عن صاحبنا ده ف
يخاطبني السفيه بكل قبح فأكره أن أكون له مجيبا
يزيد سفاهة فأزيد حلما كعود زاده الإحراق طيبا

وبناء عليه أنا لا هارد رد شديد ولا هاغسله وأكويه بصراحة أنا كنت الأول ناوي أرد
لكن بعد ما فكرت قررت ما أنتصرش لنفسي
جزاكم الله خيرا على رحابة العقل والفهم العالي

أسامة مرسي said...

اه صحيح يا أخت إسراء بالنسبة للword vertification
كله تمام يا فندم احنا تحت الأمر

أخـــ مسلمة ـــت said...

طيب من فضلك مر خد التاج و جاوب عليه

دا أقل واجب بعد التعليق الطوييييييييييييل بتاع حضرتك

ابو صهيب ( الجمعاوي الاصيل)سابقاً said...

ايه ياعمنا انت لسه نايم
متصحصح كده وتعالي عندي وشوف انجازات السيد نظيف

أسامة مرسي said...

الأخت إسراء
فورا يا فندم
نزل التاج
جزاكم الله خيرا

أسامة مرسي said...

جمعاوي
حبيبي الغالي نورت ي أخي أنا جايلك المدونة بتاعتك حالا

Anonymous said...

إن الله لا يغيّر ما بقومٍ حتى يغيروا ما بأنفسهم

Dr. Kafy said...

بيتهيألى النومة هتطول شوية مش ممكن أصحيك الوقت